Дьокуускайга полиция үлэһиттэрэ ини-бии уолаттар массыынаны уорууга уонна алдьатыыга уорбаланалларын быһаарбыттар. Дьуһуурунай чааска олохтоох киһи «Тойота Камри» массыынатын дьиэтин таһыттан уорбуттарын туһунан иһитиннэрбит диэн СӨ ИДьМ пресс-сулууспата суруйар.
Полиция үлэһиттэрэ бу массыына алдьанан баран, «Даркылаахха» турарын булбуттар. Маныаха 20 уонна 17 саастаах уолаттар уорбаланалларын быһаарбыттар.
Барыллааан информациянан, улахан уол массыынаны уоран, быраатын хатааһылатаары гыммыт. Онуоха биирэ урууллаары кыыһыран турбут уонна маһынан массыына таастарын, фаратын, куусабын тоҕута сынньыбыт. Ол кэнниттэн массыынаны хаалларан баран саспыттар.
Хоромньу 115 тыһ.солк. тэҥнэспит, төлөөбүттэр. Уолаттарга холуобунай дьыала тэриллибит.