Кулун тутар 27-29 күннэригэр Ытык Күөл сэлиэнньэтигэр Николай Тарскай кэриэһигэр көҥүл тустууга Саха Өрөспүүбүлүкэтин биирдиилээн уонна хамаанданан чөмпүйэнээтэ ыытыллыаҕа.
Өрөспүүбүлүкэ күүстээх бөҕөстөрүн күрэхтэһиитэ былырыын сайын саҥа киирбит А.Е.Турнин аатынан элбэх хайысхалаах спортивнай комплекска буолуоҕа.
Манна даҕатан эттэххэ, Саха сиригэр тустуу 70 сыллаах устуоруйатыгар аан бастакытын Таатта улууһа көҥүл тустууга Саха сирин чөмпүйэнээтин ыытар быраабы ылла, диэн иһитиннэрэр Sportyakutia.ru.