Дьокуускайга урут киһини өлөрүүгэ сууттана сылдьыбыт 50 саастаах дьахтарга бириигэбэр таҕыста.
2025 сыл күһүнүгэр кини итирик туруктаах сылдьан, бииргэ олорор эрин кытта этиһэн, күнүүлээн, түөһүгэр уонна санныгар быһаҕынан иккитэ аспыт. Эмсэҕэлээччи доруобуйатыгар ыарахан эчэйии оҥоһуллубут.
Суукка буруйданааччы буруйун толору билиннэ уонна кэмсиннэ. Судаарыстыбаннай буруйдааччы этиитин учуоттаан, суут кинини уопсай эрэсиимнээх холуонньаҕа 4 сылга көҥүлүн быһарга уураахтаата.
Бириигэбэр сокуоннай күүһүгэр киирэ илик диэн Саха Өрөспүүбүлүкэтин борокуратуурата иһитиннэрэр.
