Олунньу 25 күнүгэр Уус-Маайатааҕы Петропавловскай сэлиэнньэтин бибилэтиэкэтигэр Эдэр быыбардааччы күнүгэр анаммыт тэрээһин буолла, диэн СӨ Киин быыбардыыр хамыыһыйата иһитиннэрэр.
Тэрээһиҥҥэ Петропавловскай орто оскуолатын 10-с кылааһын үөрэнээччилэрэ кытыннылар. Бу күн оҕолор ГАС «Быыбар» туһунан, сыалларын уонна соруктарын, быыбарга кыттыы суолтатын уонна маннык өйдөбүллэри, холобур: «быыбар», «хандьыдаат», «бүлүтүөн», «быыбардааччы» уо.д.а. диэн өйдөбүллэри биллилэр.
603-с учаастактааҕы быыбардыыр хамыыһыйатын бэрэссэдээтэлэ Галина Николаева, иитии үлэтигэр дириэктэри солбуйааччы Юлия Пинигина уонна Уус-Маайатааҕы быыбар хамыыһыйатын ситимин администратора Юлия Тян «Мин — гражданиммын. Мин — патриоппун» викторинаны ыыттылар.
Үөрэнээччилэр быыбар туһунан билиилэрэ үрдүк таһымнааҕын, сытыы өйдөөхтөрүн көрдөрдүлэр, кинилэргэ тэрийээччилэр өйдөбүнньүк сувенирдары туттардылар.