Минньигэһи сиир киһи уойар. Билиҥҥи сакалааттарга, бэчиэнньэлэргэ элбэх саахардаах, доруобуйаҕа буортулаах эбиликтэрдээх.
Синньигэс буолуу туһунан кэпсэтии таҕыста да, хайаан да аһы кытаанахтык туттунуу, успуордунан дьарыктаныы эрэ баарын курдук өйдүүбүт. Ол эрээри, күннээҕи аһылыкка элбэх күөх оту, оҕуруот аһын эптэххэ, ырыахха, синньигэс буолуохха сөп.
Бастакынан, ыһаарыламмыт аһы хонтуруоллааҥ. Арыы элбэх бородууктаҕа баар, онон үлүһүйэр наадата суох.
Иккиһинэн, хас аһылык ахсын саатар биирдии оҕуруот аһын эбинэр наада. Клетчатка киһиэхэ олус наада.
Үсүһүнэн, курууппаттан, углеводтан эмискэ аккаастанымаҥ. Балар сэниэ биэрэллэр.
Төрдүһүнэн, минньигэһи ПП батончиктарынан солбуйумаҥ. Ол кэриэтин саахара суох сакалааты сиэххэ, какаону саахара суох иһиэххэ сөп.
Хас аһылык ахсын күөх оту, сүбүөкүлэ, моркоуп, оҕурсу, помидор сиир наада. Брокколи хаппыыста олус туһалаах эрээри, сорох дьон маны сөбүлээбэттэр. Онон бэйэҥ сөбүлүүр оҕуруотуҥ аһын аһылык ахсын киллэриэххин наада. Хобордооххо ыһаарылаабакка, аһы духуопкаҕа күҥкүтэн буһарар ордук.
Элбэх клетчатканы сиир киһи минньигэскэ наадыйбат буолар.