Нерюнгри оройуоннааҕы салаатын суут бириистэптэрэ олохтоох киһи түһээҥҥэ 3 мөлүйүөнтэн тахса солкуобай иэстээҕин төлөппүттэр.
Таһаҕас таһыынан дьарыктанар урбаанньыт өр кэмҥэ хайаан да оҥоруохтаах төлөбүрдэрин төлөөбөккө, ирдиир докумуоннар кэлэллэрин аахайбакка сылдьыбыт.
Иэстээҕин быһыытынан счеттарын былдьааһын, Арассыыйа Федерациятыттан быстах кэмҥэ тахсарын хааччахтааһын, массыыналарын, ол иһигэр уон үс самосвалы уонна таһаҕас таһар массыыналары, регистрациялыыра бобулларын курдук миэрэлэр да кинини иэһин төлүүргэ күһэйбэтэхтэр.
Суут толорооччу-бириистэбэ иэстээх киһини уонна кини баайын-дуолун ирдэбилгэ ыытарын туһунан уураах таһаарбыт, ону иэстээх киһи Кэлим судаарыстыбаннай өҥөлөр порталларын нөҥүө тус кэбиниэтигэр киирэн туппут.
Ирдэбилгэ сылдьарын билэн баран, киһи иэһин барытын төлөөбүт, диэн иһитиннэрэр Федеральнай суут бириистэптэрин Саха сиринээҕи пресс-сулууспата.