Ааһан эрэ нэдиэлэ Саха сиригэр араас түбэлтэлэринэн, үөрүүлээх сонуннарынан баай буолла. «Саха сирэ» сайт ааҕааччыларын болҕомтотун ордук тардыбыт нэдиэлэ сүрүн биэс сонуннарын таһаарабыт.
1. Дьокуускай киин улууссаларыгар — саха таҥастаах дьон
Өрөбүл күннэргэ Дьокуускай куорат киин уулуссаларынан 1200 киһи сахалыы таҥастаах сэлэлээн хаамыыга кытынна. Бу тэрээһин Арассыыйаҕа норуоттар сомоҕолоһууларын, Саха сиригэр Култуура сылларынан сибээстээн ыытылынна. Бастакы холуоннаҕа Норуоттар ассамблеяларын чилиэннэрэ, олохтоох араас омуктар бэрэстэбиитэллэрэ, дьаамсыктар удьуордара хаамтылар. Кинилэр кэннилэриттэн өрөспүүбүлүкэ 25 улууһуттан кэлбит уустар айар түмсүүлэрэ, худуоһунньуктар, култуура үлэһиттэрэ уонна устудьуоннар киирдилэр.
2. «Далбар Хотун-2026» кыайыылааҕынан Саина Григорьева буолла!
Өрөспүүбүлүкэтээҕи 15-с «Далбар Хотун» күрэс түмүктэннэ. Быйылгы күрэххэ араас улуустан 7 мааны дьахтар кыттан, бэйэлэрин билиһиннэрдилэр, талааннарын көрдөрдүлэр, минньигэс астарынан күндүлээтилэр. Түмүккэ кыайыылааҕынан Саина Григорьева ааттанна.
3. Абыйга сылгыга уустук балаһыанньа үөскээтэ
Абый улууһугар халыҥ хаар түһэн, сылгы иитэр хаһаайыстыбаларга уустук балаһыанньа үөскээтэ. Интернет ситимигэр сылгылар хаарга батары түһэн турар хаартыскалара тарҕанна. Манна СӨ Тыатын хаһаайыстыбатын уонна ас-үөл бэлиитикэтин министиэристибэтэ болҕомто уурара наада.
4. Түөкүттэр кулун тутар 8 күнүгэр кутталлаах аккырыыккалары тарҕатан бардылар
Кэрэ аҥаардар бырааһынньыктарыгар анаан түөкүттэр кутталлаах аккырыыккалары тарҕатан бардылар. Мессенджердэргэ уонна социальнай ситимнэргэ кэлбит «муусукалаах кэрэ аккырыыкка» эбэтэр «интерактивнай эҕэрдэ» сигэтинэн (ссылкатынан) киирдэххэ, киһи дааннайдарын хомуйар фишинговай сайтка киллэрэллэр эбэтэр кутталлаах бырагырааманы хачайдатан саҕалыыллар. Онон сэрэхтээх буолары сүбэлииллэр.
5. «Сэмсэ тыл»: Оломун билбэккэ ууга киирдилэр. АХШ Ираҥҥа батыллан эрэр
Аан Илиҥҥэ айдаантан сылтаан ньиэп сыаната өрө сүүрэн таҕыста. АХШ Ираҥҥа батыллан эрэр диэн суруйаллар, онтон сылтаан Трамп рейтинэ таҥнары саккыраабыт.