СӨ Ил Дархана, «Биир ньыгыл Арассыыйа» баартыйа эрэгийиэннээҕи отделениетын сэкирэтээрэ Айсен Николаев бүгүн, кулун тутар 11 күнүгэр, байыаннай дьайыыга сылдьар байыастарга 12 калибрдаах (гладкоствольнай) бултуур саатын биэрдэ.
Айсен Николаев бу саата киниэхэ үйэ чиэппэрэ сулууспалаабытын бэлиэтээн эттэ. Кини «Патриот» кииҥҥэ байыаннай дьайыы кыттыылаахтарын, байыаннай дьайыы бэтэрээннэрин Ассоциациятын кытта көрсүһүүгэ саа дроннартан көмүскэнэргэ көдьүүстээҕин кэпсээбиттэрин истэн баран, маннык быһаарыныыны ылыммыт.
Эрэгийиэн салайааччыта подразделениеларга маннык саалар наадалаахтарын этэр.
—Байыастарбыт утарылаһааччылар дроннарын суох гыналларыгар араас саалар бойобуой соруктары ситиһиилээхтик толороллоругар кыаҕы биэрэр. Кыраларыттан үчүгэйдик ытарга, көтөрү бултуурга үөрэммит саха байыастара дроннары суулларар дьоҕурдаахтар. Манна биһиэхэ «Биир ньыгыл Арассыыйа» баартыйа уонна байыаннай дьайыы бэтэрээннэрин Ассоциацията тэрийбит сааны (гладкоствольнай) хомуйууга хамсааһыннарыгар аахсыйаҕа кыттыһан туттардым. Бу биһиги байыастарбытыгар үчүгэйдик сулууспалыаҕа уонна элбэх киһи олоҕун быыһыаҕа диэн эрэнэбин, — диэн этэр Айсен Николаев.
Ил Дархан Саха сирин олохтоохторун маннык саалаах (гладкоствольнай) буоллахтарына байыаннай дьайыы байыастарыгар биэрэллэригэр эбэтэр атын гуманитарнай көмөнү өйүүллэригэр ыҥырда. Дьокуускайга уонна «Жатай» уокуругар Росгвардия лицензионнай-көҥүллүүр үлэтигэр отделын начаалынньыга, полиция майора Иван Протопопов этэринэн, сыл саҕаланыаҕыттан Чурапчы, Мэҥэ Хаҥалас улуустарын уонна Дьокуускай куорат олохтоохторо 12 калибрдаах 72 сааны байыаннай эпэрээссийэ буола турар сиригэр биэрэргэ туттарбыттар.
Сиһилии: https://www.sakha.gov.ru/news/39173
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, ЯСИА