Саха сиригэр бокс сайдыбыта 70 сылынан Мэҥэ Хаҥалас улууһун Хара сэлиэнньэтигэр муус устар 2-5 күннэригэр аһаҕас өрөспүүбүлүкэтээҕи турнир ыытыллыаҕа.
Күрэхтэһии ССРС успуордун маастарыгар хандьытаат, “Урожай” уопсастыба 10 төгүллээх чөмпүйүөнэ, Саха сиригэр бокска бастакы профессиональнай киирсии кыайыылааҕа Афанасий Петров 75 сылыгар ананар.
1996 сыл тохсунньу 19 күнүгэр Чурапчы улууһун Чакыр сэлиэнньэтигэр Саха сирин успуордугар аан бастаан профессиональнай бокс быраабыланан киирсиитэ ыытыллыбыта. 45 саастаах Афанасий Петров 5 раунд түмүгүнэн ССРС успуорка маастарын хандьытаата Василий Соловьеву кыайбыта. Дьэ итинник Афанасий Федорович бастакы профессиональнай боксер быһыытынан хотугу сир спордун устуоруйатыгар киирбитэ. Ону таһынан кини бырааттыы Егоровтар – 1999 сыллаах Арассыыйа чөмпүйэнээтин кыайыылааҕа уонна СӨ үтүөлээх тренерэ Николай Егоров уонна Арассыыйа спордун үтүөлээх маастара, аан дойду вице-чемпиона, Европа икки төгүллээх чөмпүйүөнэ, Арассыыйа биэс төгүллээх чөмпүйүөнэ Василий Егоров бастакы тириэньэрдэринэн биллэр, диэн иһитиннэрэр Sportyakutia.ru