СӨ Бырабыыталыстыбата Арктика олохтоохторугар наадалаах табаардарынан, аһынан үөлүнэн хааччыйыы тиһигэ салҕанарын, бу күннэргэ атыылаһыллыбытын туһунан Бырабыыталыстыба отчуотугар быһа эпииргэ эттилэр.
Бырабыыталыстыба бэрэссэдээтэлин солбуйааччы Ольга Балабкина көдьүүстээх логистиканы тэрийии уонна аһы-үөлү тиэрдиигэ федеральнай ирдэбиллэри тутуһуу улахан суолталааҕын тоһоҕолоото.
Кини ааспыт сылга бары Арктика улуустарыгар атыы-эргиэн уонна логистика кииннэрэ ситиһиилээхтик үлэлээбиттэрин эттэ. Ол эрээри, үп-харчы кириисиһиттэн быйыл таһаҕаһы тиэрдии хойутааһынын бэлиэтээтэ.
Ону тэҥэ, Ольга Балабкина нолуок уларыйыыларын учуоттаан, Арктика олохтоохторо үрдүк хаачыстыбалаах ас-үөллээх буолалларын хааччыйар туһугар коммерческай хампаанньалары уонна урбаанньыттары кытта бииргэ үлэлээһини толкуйдуулларын эбэн эттэ.
«Бүгүн биһиги Арктика олохтоохторун сөптөөх уонна хаачыстыбалаах аһылыгынан бииргэ үлэлээн хааччыйар туһугар нолуок усулуобуйатын уларытыынан сибээстээн коммерческай тэрилтэлэри уонна урбаанньыттары кытта бииргэ үлэлээһини тэрийэргэ былааннныыбыт», — диэтэ Ольга Балабкина.