Арассыыйа олохтоохторо дьон баар сиригэр куһаҕан тылынан үөҕүстэхтэринэ 15 хонуктаах административнай хаайыыга түбэһиэхтэрин сөбүн РИА Сонуннарга юрист Дмитрий Макаров кэпсээтэ.
«Уулуссаҕа куһаҕан тылынан үөхсүү РФ КоАП 20.1 «кыра күлүгээннээһин» ыстатыйатынан административнай эппиэтинэскэ түбэһиннэрэр. Итиэннэ 500-тэн 1000 солкуобайга диэри административнай ыстараабы төлөтөллөр эбэтэр 15 сууккаҕа диэри административнай хаайыыга олордоллор. Өскөтүн үөхсэри тэҥинэн былаас бэрэстэбиитэлэ сокуонунан ирдиирин толорбот буоллахха, 2500 солкуобайга диэри ыстараап эбэтэр 15 сууккалаах хаайыы кэтэһэр», — диэтэ кини.
Макаров бэлиэтээбитинэн, хайа эрэ киһини анаан куһаҕан тылынан саҥардахха, РФ КоАП 5.61 “үөҕүү” ыстатыйатынан 5.000 солкуобайга диэри ыстараап суоһуур эбит. Онтон киһи чиэһин, суолтатын дуоһунастаах киһи эбэтэр юридическай тэрилтэ атаҕастыыр, сэниир түгэннэригэр, кинилэргэ 50 тыһыынча солкуобайга диэри уонна 200 тыһыынча солкуобайга диэри ыстараап көрүллэр.