Роман Михайлович Щегельняк Нерюнгри оройуонун баһылыгын дуоһунаһыттан уурайда. Бу туһунан Ил Дархан Айсен Николаев МАХ-ханаалыгар иһитиннэрдэ.
«Роман Щегельняк салайар сылларыгар Нерюнгри оройуона Саха сирин уонна Уһук Илин биир сүрүн промышленнай киинин быһыытынан биллибитэ.
Нерюнгри оройуона салгыы сайдара олус суолталаах. Мин ыйаахпынан оройуон баһылыгын эбээһинэһин толорооччунан Максим Викторович Терещенко ананна. Кини Нерюнгрига төрөөбүтэ, улааппыта уонна Саха сирин соҕуруутугар баар тэрилтэлэргэ үлэлээбитэ, оройуону иһиттэн билэр киһи буолар», — диэн Айсен Николаев суруйар.
Максим Викторович Терещенко өрөспүүбүлүкэ бырамыысыланнаһын уонна геологиятын миниистиринэн үлэлээбитэ.