Силиэстийэлиир кэмитиэт Саха сиринээҕи управлениетын Хотугу улуустар икки ардыларынааҕы силиэстийэлиир салаата хомуйбут дакаастабыллара Усуйаана улууһун биир муниципальнай тэриллиитин баһылыгар суут бириигэбэрин таһаарарга төрүөт буоллулар.
Сууттанааччы дьахтар бэйэтин тус интэриэһигэр дуоһунаһын боломуочуйатын аһара туһаммытыгар (Арассыыйа ХК 286 ыст. 2 ч., уонна 286 ыст. 3 ч. “е” п.) буруйдааҕынан билиннэ.
Силиэстийэ уонна суут быһаарбытынан, сууттанааччы ис дьыала уорганнарын урукку үлэһитигэр олорор дьиэни биэрэр уонна кинини сымыйанан регистрациялыыр туһунан хас даҕаны сымыйа докумуоҥҥа илии баттаабыт. Маныаха баһылык бу эр киһи дьиэ көрдөөн сайабылыанньа биэрбэтэҕин, бөһүөлэккэ олорботун уонна сокуон быһыытынан дьиэҕэ наадыйбатын чопчу билэрэ.
Маны таһынан, баһылык урбаанньыт гарааһын сокуоннайа суох былдьаан, массыынатын уонна анал тиэхиньикэтин туруорар кыаҕын быспыт. Ол гарааһы бэйэтин кытта билсэр (интэриэстээх) үһүс сирэйдэргэ туттара биэрбит.
Ону кытта, сууттанааччы туһамматах уоппускатын күннэригэр сокуоннайа суох кэмпэнсээййиэ харчытын ылаары, эмиэ сымыйа докумуоннары оҥорбута биллибит.
Суут хомуллубут дакаастабылларга олоҕуран, дьахтары буруйдааҕынан билиннэ уонна 4 сыл тургутуу болдьохтоох, 5 сылга болдьохтоон усулуобунайдые көҥүлүн быһарга уурда. Ону тэҥэ, кини 2 сыл устата олохтоох салайыныы уорганнарыгар салайар дуоһунаска олороро бобуллар.
Силиэстийэ хаамыытыгар былдьаммыт гараас урбаанньыкка төннөрүлүннэ, оттон уоппуска харчытын төннөрүү боппуруоһа гражданскай суот чэрчитинэн быһаарыллыаҕа.