Сииттэ нэһилиэгэр «Кыайыы туһугар — биир сомоҕо!» диэн үтүө санаа кэнсиэрэ буолан ааста.
Аһымал кэнсиэри нэһилиэк баһылыга Семен Тимофеев төрөөбүт дойдулара сайдарыгар, олохтоох дьаһалта үлэтигэр күүс-көмө буолар нэһилиэгин дьонугар-сэргэтигэр истиҥ махталын этэн арыйда. Инникитин өссө түмсэн биир сомоҕо буоллахпытына, чэпчэкитэ суох кэмнэри этэҥҥэ туоруохпут диэн баҕа санаатын тиэртэ. Өрөспүүбүлүкэтээҕи “Куйуур олоҥхото” үрдүк таһымҥа ааһарыгар, көхтөөх кыттыыны ылан спонсордаабыт аҕа уустарыгар истиҥ тыллардаах махтал суруктары туттарда.
Эйэни түстүүр аһымал тэрээһиҥҥэ кыралыын-улаханныын 80-тан тахса киһи сырытта. Нэһилиэк олохтоохторо сэргэхсийэллэрин туһугар үлэлии-хамсыы сылдьар үлэһиттэр буоларбыт быһыытынан, хас биирдии көхтөөх кыттааччыбытыгар, өрүү өйүүр, өйдүүр дьоммутугар ис сүрэхтэн махтанабыт. Ол курдук улахан махталбытын тиэрдэбит «Чуораанчык» уһуйаан кэлэктиибигэр (сэб. Ольга Александрова), иитээччилэргэ Галина Гуляеваҕа, Нария Алексееваҕа, Мария Новгородоваҕа. Сииттэ орто оскуолатын кэлэктиибигэр (дириэктэр Андрей Новгородов), үөрэнээччилэригэр Алгыстаана Никитинаҕа, Саша Слепцовка, Күннэй Сивцеваҕа, Айта Гороховаҕа. Кэнсиэри ыытарга күүс-көмө буолбут Захар Кривошапкиҥҥа, диджей Гаврил Слепцовка. «Иэйии» эдэр ийэлэр түмсүүлэригэр (сал. Марианна Захарова). Нэһилиэкпит саамай көхтөөх эбээлэригэр «Алаһа» кулууптарга (сал. Мотрена Васильева), дьаһалта баһылыгын солбуйааччытыгар Петр Степановка, истиҥ ырыаны бэлэхтээбит Александра Степановаҕа, байаан алыптаах тыаһын бэлэхтээбит Варвара Левинаҕа.
Киирии билиэтинэн араас өйдөбүнньүк бэлэхтэри, ас лотереятын оонньотон, кэнсиэркэ кэлбит дьон илии тутуурдаах, өттүк харалаах бардылар. Онон ас астаан көмөлөспүт бастын хаһаайкаларбытыгар Лена Платоноваҕа, Люда Петроваҕа, Прасковья Ноговицынаҕа, Екатерина Алексееваҕа, Мария Степановаҕа, Надежда Ермолаеваҕа, Дария Сергееваҕа, Мотрена Васильеваҕа, Елена Новгородоваҕа, Наталья Гуляеваҕа, Марианна Захароваҕа уо.д.а өссө төгүл тэрийээччилэр ааттарыттан барҕа махталбытын тиэрдэбит.
Бу курдук түмсүүлээх буоллахпытына кыаллыбат да кыаллыа, сатаммат да сатаныа. Тэрээһинтэн киирбит үбү байыаннай дьайыыга сылдьар биир дойдулаахтарбытыгар көмө быһыытынан ыытыахпыт.