Доруобуйа харыстабылын эйгэтин үлэһиттэрин хамнастарын акылаата атыннык ааҕыллар буолуоҕа диэн РИА-Новости суруйар. Акылаат компенсационнай төлөбүрдэри учуоттаабакка туран, хамнас уопсай сууматын аҥаарын саҕа буолуохтаах.
Бу маннык этиини бырабыыталыстыба үлэни биэрээччилэри уонна идэлээх сойуустары кытта бигэргэттэ. Ол чэрчитинэн, хамнас кээмэйэ былырыыҥҥы дохуот таһымыттан намыһах буолуо суохтаах.
Буортулаах уонна кутталлаах усулуобуйаҕа үлэлиир мэдиссиинэ үлэһиттэрин хамнастарын акылаата кырата 4 бырыһыанынан үрдэтиллиэхтээх диэн этиллэр.
Бу көҕүлээһин доруобуйа харыстабылын эйгэтигэр каадырдары харыстааһын, хамнас араастаһыытын кыччатыы чэрчитинэн барар.