Кыайыы күнүн көрсө түөкүттэр патриоттуу тиэмэни туһанан дьону албынныы сатыыллара элбиир. Албыннааччылар «Поддержим героев» («Дьоруойдары өйүөҕүҥ») диэн сымыйа бырагырааманы толкуйдаан, оскуолаларга уонна сонуннары тарҕатар сириэстибэлэргэ сурук ыыталлар.
Муус устар 29 күнүгэр буруйу оҥорооччулар байыаннай дьайыы кыттыылаахтарыгар аналлаах «Время героев» федеральнай каадыр бырагырааматын «игирэ» саайтын оҥорбуттар. Бу сымыйа ресурс «Поддержим героев» диэн албын бырагырааманы киэҥник сырдата сатыыр.
Ол кэннэ түөкүттэр сымыйа сонуннарын бэчээттииллэригэр көрдөһөн, сүрүннээн оскуолаларга уонна СМИ эрэдээксийэлэригэр электроннай суруктары тарҕаппыттар. Суруктар тас дойдутааҕы gmail.com доментан ыытыллыбыттар.
Сэрэхтээх буолуҥ! Саарбах суруктары арыйымаҥ уонна атын дьоҥҥо ыытымаҥ. Инньэ гынан, бэйэҕит да билбэккэ, сымыйа сонуну тарҕатыыга көмөлөһүөххүтүн сөп.