Жатайдааҕы суудунаны оҥорор собуот уу суола аһыллыытын көрсө флот тиэхиньиичэскэй бэлэмин көрө-истэ сылдьар.
Эрэгийиэннээҕи тырааныспар инфраструктуратын сайыннарыы РФ Бэрэсидьиэнэ Владимир Путин көҕүлээбит “Олоххо наадалаах инфраструктура” уонна “Көдьүүстээх тырааныспар систиэмэтэ” нацбырайыактарынан бара турар. Бу үлэҕэ “Биир ньыгыл Арассыыйа” баартыйа норуодунай бырагырааматын чэрчитинэн, эрэгийиэннээҕи салаатын Ил Дархан Айсен Николаев салайар, эбии болҕомто ууруллар.
2026 с. 40 суудуна өрөмүөннэммит. Үлэҕэ 724 суудуна тахсара былааннанар.
Саха сирин олохтооҕо Гавриил Саввинов бэлиэтээбитинэн, флот өрөмүөннэнэрэ улахан суолталаах.
“Саха сиригэр уу суолуттан олус элбэх тутулуктаах — хоту таһаҕаһы тиэрдиигэ, хааччыйыыга, о.д.а. Ол иһин Жатайдааҕы суудунаны оҥорор собуот уу суола аһыллыытын көрсө флоту бэлэмниирэ наадалаах дьыала. Бу өрүс тырааныспара эрэллээх сырыытын хааччыйар”, — диэн тоһоҕолоон бэлиэтээтэ.
СӨ Ил Дарханын уонна Бырабыыталыстыбатын пресс-сулууспата.