Бу күннэргэ Туймаада ыһыаҕар бэлэмнэнии үгэнэ — Үс Хатыҥ ытык сиригэр, түһүлгэлэргэ барытыгар үлэ күргүөмнээхтик барар.
Пригороднай сэлиэнньэтин көхтөөх дьоно-сэргэтэ түмсүүлээхтик үлэлээн, түһүлгэлэрин саҥартылар! Олус кылгас кэм иһигэр түһүлгэбит уларыйа тубуста. Пригороднай нэһилиэгин Аҕаларын сэбиэтин эр дьоно көхтөөхтүк үлэлээтилэр. Кинилэри кытта тэҥҥэ Дьахталлар сэбиэттэрин ийэлэрэ уонна Пригороднай дьаһалтатын исписэлиистэрэ тута тупсаран, кырааскалаан истилэр, тула өттүн ыраастаатылар уонна сахалыы харысхалларынан киэргэттилэр. Депутаппытыгар Иван Салатюкка көмөтүн иһин бар дьон аатыттан истиҥ махталбытын биллэрэбит! Хамаанда баар буоллаҕына, туох баар сорук барыта түргэнник туоларын өссө төгүл итэҕэйдибит.
Саҥардыллыбыт, ыраастаммыт түһүлгэ — Пригороднай хас биирдии олохтооҕор Үрүҥ Тунах Ыһыаҕы көрсө үтүөкэн бэлэх буолар.
Төрөөбүт сирбитигэр харыстабыллаахтык сыһыаннаһыаҕыҥ, сахалыы сиэри-туому тутуһуоҕыҥ!
Үрүҥ Тунах Ыһыаҕынан!