Кэбээйи улууһун борокуруорун ирдэһиитинэн, суут нөҥүө дроппердар, түөкүттэр анал байыаннай дьайыы кыттыылааҕын аатыгар ылбыт кирэдьииттэрин үбүн-харчытын ирдээн ылла.
Кэбээйи улууһун борокуратуурата байыаннай сулууспалаах, анал байыаннай дьайыыга сылдьар олохтоох киһи үҥсүүтүнэн, кини быраабын көмүскээһиҥҥэ бэрэбиэркэ ыытта.
Түөкүттэр дьайыыларыттан сылтаан, кини аатыгар кирэдьиит оҥоһуллубут уонна үп-харчы араас баан счеттарыгар ыытыллыбыт.
Салгыы биллибитинэн, 1 187000 солкуобай суумалаах харчы атын эрэгийиэннэргэ олорор үс киһи счеттарыгар ыытыллыбыта быһаарылынна, кинилэр атын киһи счетуттан уоруллубут харчыны таһаарыыга кыттыбыттар.
Онон борокуруор ирдэбилинэн суутунан, бу дьонтон эмсэҕэлээбит киһи туһатыгар сокуоннайа суох ыытыллыбыт үбү-харчыны, ону таһынан туһаммыттарын иһин 200 тыһыынчаттан тахса солкуобайдаах бырыһыаны ирдээн ылла. Суут уураахтарын толоруу Кэбээйи улууһун борокуратууратын хонтуруолугар сылдьар.