Саха сиригэр 2026 сыл бэс ыйын 29 күнүттэн от ыйын 5 күнүгэр диэри тас төрүөттэртэн өлүүнү аҕыйатарга хайысхаламмыт Нэдиэлэ ыытыллар. Нэдиэлэ сыала-соруга — сэрэтиллиэн сөптөөх өлүү-сүтүү төрүөттэригэр болҕомтону ууруу, олоҕу, доруобуйаны харыстааһыҥҥа эппиэтинэстээх сыһыаҥҥа иитии.
Сыл ахсын аан дойдуга мөлүйүөнүнэн киһи массыына саахалыгар, үөһэттэн сууллан түһэн, ууга тимирэн, сүһүрэн, баһаарга уонна да атын эчэйиилэргэ түбэһэн өлөр. Доруобуйа харыстабылын аан дойдутааҕы тэрилтэтин чахчытынан, маннык түбэлтэлэр үксүлэрэ өскөтүн тустаах быраабылалары тутуспут, сэрэтэр үлэни ыыппыт уонна дьон билиитин-көрүүтүн үрдэппит буоллар, тахсыа суохтарын сөп этэ.
Саха сиригэр тас төрүөттэртэн өлүү кыһалҕата эмиэ сытыытык турар. Ордук сайыҥҥы кэмҥэ суолга-иискэ уонна уулаах сирдэргэ тахсар быһылааннар, ону тэҥэ дьиэҕэ-уокка эчэйиилэр элбиир кутталлаахтар.
Доруобуйа харыстабылыгар министиэристибэтэ санатар:
Суол уонна баһаартан сэрэхтээх буолуу быраабылатын тутуһуҥ; оҕолоргутун уу таһыгар көрүүтэ-истиитэ суох хаалларымаҥ; тырааныспар ыыта уонна айылҕаҕа сынньана сылдьан арыгылаах утахтары иһимэҥ; бастакы көмөнү оҥорор быраабылалары умнумаҥ.
Бу судургу сэрэтэр дьаһаллар олоҕу уонна доруобуйаны харыстыырга төһүү күүс буолаллар.