Бүтүн Арассыыйатааҕы Арсеньев аатынан Уһук Илин литературнай бириэмийэ ахсыс сезонугар дьүүллүүр сүбэҕэ кимнээх киирбиттэрэ билиннэ.
Бу Улахан уонна Кыра дьүүллүүр сүбэ, ону тэҥэ эспиэрдэр Сэбиэттэрин туһунан этиллэр. Дьүүллүүр сүбэни Арассыыйа ускуустубатын үтүөлээх диэйэтэлэ Влад Маленко салайар.
Улахан дьүүллүүр сүбэҕэ култуура уона медиа биллиилээх диэйэтэллэрэ бааллар: суруйааччы, «Ясная Поляна» литературнай бириэмийэ лауреата Сергей Самсонов, «Комсомольская правда» медиа-бөлөх генеральнай дириэктэрэ уонна кылаабынай эрэдээктэрэ Олеся Носова, суруйааччы Сергей Михеенков, «Росмэн» холдинг генеральнай дириэктэрэ Борис Кузнецов, Ван Цзунху — нуучча литературатын чинчийэр Кытай ассоциациятын бэрэсидьиэнин солбуйааччы.
Кыра дьүүллүүр сүбэҕэ Александр Васькин (суруйааччы, суруналыыс уонна историк), Олег Вороной (суруйааччы, Арассыыйа суруйааччыларын сойууһун Приморскайдааҕы салаатын бэрэссэдээтэлэ), Ван Цзиньлин (филология билимин дуоктара, профессор, КНР-тан нуучча тылын тылбаасчыта), Ольга Ребковец (В.Беринг аатынан Камчаткатааҕы судаарыстыбаннай университет ректорын эбээһинэһин толорооччу) уонна Владимир Семенчик (бэйиэт, прозаик, Арассыыйа суруйааччыларын сойууһун Сахалиннааҕы салаатын бэрэссэдээтэлэ) бааллар.
Эспиэрдэр сэбиэттэригэр: Елена Демакова (документальнай киинэ сценариһа уонна режиссера), Наталья Елизарова (прозаик уонна драматург), Вячеслав Огрызко (литературовед уонна публицист), Дмитрий Орехов (суруйааччы уонна публицист) уонна Даниил Тестов («РИПОЛ классик» кинигэ кыһатын шеф‑редактора) киирбиттэр.
Бириэмийэ ахсыс сезонун хампаанньата олунньу 1 күнүттэн бэс ыйын 30 күнүгэр диэри ыытыллыбыт: тэрийэр кэмитиэккэ 92 сайаапка киирбит. Ааптардар Арассыыйа 27 эрэгийиэниттэн, ону таһынан Кытайтан, Монголияттан, Вьетнамтан үлэлэрин ыыппыттар.
Сиһилии: https://www.sakha.gov.ru/news/55517
СӨ Ил Дарханын уонна Бырабыыталыстыбатын пресс-сулууспата