Бу дьыл сэтинньитигэр Норуот сомоҕолоһуутун күнүн бэлиэтээһининэн сибээстээн, социальнай төлөбүрдэр кыраапыктара уларыйыаҕа. Биэнсийэлээхтэр сорохторо харчыларын эрдэ ылыахтара, оттон сорохторго оҕо босуобуйаларын төлөөһүн болдьоҕо сыҕарыйыаҕа. Бу туһунан Социальнай пуондаҕа иһитиннэрдилэр.
Төлөбүрдэрин сэтинньи 1 күнүгэр ылар биэнсийэлээхтэргэ харчыларын алтынньы 30 күнүгэр ыытыахтара — ый бастакы күнэ баскыһыанньаҕа түбэһэр. Оттон биэнсийэлэрин сэтинньи 4 күнүгэр ылааччылар биир күн эрдэ, сэтинньи 3 күнүгэр ылыахтара, тоҕо диэтэххэ бырааһынньык бэйэтэ сэрэдэҕэ түбэһэр.
Төлөбүр күннэрэ сэтинньи 2, 5 эбэтэр 6 күнүгэр түбэһэр дьоҥҥо харчылара урукку кыраапыгынан ыытыллыаҕа — бу күннэр үлэ күннэрэ буолаллар. Социальнай пуондаҕа эбии сайабылыанньа суруйар наадата суох: харчыны аптамаатынан ыытыахтара.
Оҕо төлөбүрдэрин кыраапыга эмиэ көннөрүлүннэ. Ийэ хапытаалыттан алтынньытааҕы төлөбүрү сэтинньи 5 күнүгэр ыытар былааннаахтар, оттон үлэлиир төрөппүттэргэ оҕо 1,5 сааһыгар диэри көрүүгэ-истиигэ босуобуйата сэтинньи 7 күнүгэр түһүөҕэ. Сэтинньи ыйдааҕы төлөбүрдэр ахсынньыга олохтоммут кыраапыгынан ыытыллыахтара.