Эһиил «Арктика Синергията» бырайыак чэрчитинэн, Дьааҥы улууһугар 19 нэһилиэнньэлээх пуун олохтоохторугар түргэн интэриниэт баар буолуоҕа. Бу үлэ Арассыыйа Бэрэсидьиэнэ Владимир Путин көҕүлээбит «Дааннайдар экэниэмикэлэрэ уонна судаарыстыба сыыппараҕа уларыйыыта» национальнай бырайыак чэрчитинэн ыытыллар.
Быйыл Томпо улууһун Тополинай сэлиэнньэтин диэки үлэ бара турар. 2027 сылга «Тополинай – Баатаҕай», «Баатаҕай – Баатаҕай-Алыыта» уонна «Баатаҕай – Депутатскай» учаастактарга тутуу саҕаланыаҕа. Бу түһүмэхтэри олоххо киллэрии түмүгэр Дьааҥы улууһун 19 нэһилиэнньэлээх пууна түргэн интэриниэтинэн хааччыллыаҕа. Хотугу сир олохтоохторугар сибээс сайдыыта күннээҕи соруктары быһаарарга кыаҕы биэриэ.
«Интэриниэт оҕолор үөрэнэллэригэр, үлэҕэ, күннээҕи боппуруостары быһаарарга наада. Судаарыстыбаннай өҥөнү онлайн туһанар уонна чугас дьону кытта видео сибээһинэн кэпсэтэр кыах олоҕу биллэ чэпчэтэр», — диэн Дьааҥы улууһун олохтооҕо Мария Макарова бэлиэтээтэ.
Санатар буоллахха, «Арктика Синергията» бырайыагы Саха Өрөспүүбүлүкэтин баһылыга Айсен Николаев көҕүлээбитэ. 2028 сыл бүтүөр диэри 7 тыһыынчаттан тахса килэмиэтирдээх волоконно-оптическай сибээс лииньийэтин тутан, өрөспүүбүлүкэ 61 нэһилиэнньэлээх пуунун холбоон, 50 тыһыынча кэриҥэ олохтооҕу аныгы сибээс өҥөтүнэн хааччыйар былаан баар.
Сиһилии: https://www.sakha.gov.ru/news/67358