Саха Өрөспүүбүлүкэтин эбэҥкилэрин ассоциацията, «Геван» эбэҥки ыччатын сэбиэтэ уонна А.К. Ильинов аатынан «Энэси Халан» эбэҥкилэр төрүт уустарын общината бары баҕалаахтары алтынньы 25 күнүгэр, баскыһыанньаҕа, «Сиӈилгэн» диэн төрүт сиэри-туому тутуһар бырааһынньыкка ыҥыраллар.
Бырааһынньык бастакы хаарга, кыһыҥҥы кэмҥэ киириигэ уонна эбэҥкилэр олохторугар-дьаһахтарыгар улахан суолталаах улахан булт кэмэ саҕаланыытыгар туһуланар.
Тэрээһин сүрүн киининэн байанайы көрдөһүүгэ туһуламмыт «Сиӈкэлавун» диэн сиэр-туом буолуоҕа. Бу сиэргэ-туомҥа эбэҥкилэр айылҕаҕа, уот уонна сир иччилэригэр дириҥник сүгүрүйэллэр, көлүөнэлэр ситимнэрин тутуһаллар уонна норуоттарын култуурунай баайын харыстыыллара көстүөҕэ.
Бырагыраамаҕа киирдилэр:
- Сиэр-туом уонна кэнсиэр;
- «Дэвэйдэ» күрэх;
- Эр дьоҥҥо «Бултамни» диэн булчуттар күрэхтэрэ;
- Эбэҥкилии футбол уонна эр дьоҥҥо пневматическай бинтиэпкэнэн ытыы;
- Дьахталларга ох саанан ытыы.
Бу тэрээһин эбэҥки норуотун төрүт култууратыгар кытта билсиһиннэрэр, өрөспүүбүлүкэ норуоттарын сомоҕолуур сыаллаах ыытыллар.
Тэрийээччилэр кыттааччылартан уопсай остуолга аһы-үөлү аҕалалларыгар көрдөһөллөр. Бырааһынньык таһырдьа буоларынан, хайаан да ичигэстик таҥнарга сүбэлииллэр.
- Буолар сирэ: Бүлүүлүүр суол, 35 км, «Уют» кафе утары уҥа диэки; салгыы ойуур суолунан 9 км кэриҥэ.
- Тырааныспар: Оптуобус сарсыарда 9:00 чааска Доҕордоһуу болуоссатыттан айанныаҕа. Куоракка төннүү кэмэ — 16:45.