Байыаннай дьайыы бэтэрээннэрэ Мэҥэ Хаҥалас улууһугар «Сайдыс» уонна «Илгэ» оҕо лааҕырдарын кыттыылаахтарын кытта көрүстүлэр.
Аллараа Бэстээх бөһүөлэгиттэн сылдьар байыаннай дьайыы бэтэрээннэрэ Александр Никитин, Фёдор Рыбаков уонна Евгений Кириллин оҕолорго тус бэйэлэрин уопуттарын үллэһиннилэр, бойобуой сорудаҕы толоруу кэмигэр бииргэ сулууспалыыр уолаттара көрдөрбүт эр санааларын, тулуурдарын уонна бэйэ-бэйэлэрин көмөлөһөллөрүн кэпсээтилэр. Лааҕыр оҕолоро кэпсэтиигэ көхтөөхтүк кытыннылар, ыалдьыттарга махтаннылар.
Ыччаты патриотическай иитиигэ ордук Александр Никитин кыттар. Кини Эр санаа уруоктарыгар сылдьар, сотору “Билии” уопсастыба лектордарын хамаандатыгар киириэхтээх.
Маннык көрсүһүүлэр көлүөнэлэр ситимнэрэ бөҕөргүүрүгэр, Аҕа дойду көмүскээччилэригэр ытыктабылы иитэр.
СӨ Ил Дарханын уонна Бырабыыталыстыбатын пресс-сулууспата.