Кэнники кэмнэргэ кинигэни, чуолаан сахалыыны, аахпат дьон ахсаана элбээбитин бары бэлиэтии көрөбүт. Ол туһунан кэпсэтии, дьүүллэһии да элбэх. Дьон кинигэни аахпат буолбута Арассыыйаҕа барытыгар баар көстүү диэбиппит да иһин, саха дьонун толкуйдатыахтаах дии саныыбыт.
Бэчээттэнэр кинигэлэр ааҕааччыны интэриэһиргэппэттэр дуу, ааҕааччы бэйэтэ ааҕыан баҕарар кинигэтигэр таба тайаммат дуу, ааптардар суруйар таһымнара мөлтөх дуу, кинигэ бэчээттэнэр ахсаана аҕыйах дуу? Оттон кинигэ ахсаана аҕыйаабыта уонна ааҕыы бэйэ бэйэлэрин кытары быһаччы сибээстээхтэр дуо? Бу ыйытыыларга хоруй ылаары уонна суруйар ааптардары кытары сүбэлэһэээри, “Айар” кинигэ кыһата ааҕааччыларын уонна бииргэ үлэлэһэр ааптардарын кытары интэриэһинэй кэпсэтиини ыытан турар. Онон, быйыл тэриллибитэ 100 сылын бэлиэтиир “Айар” кинигэ кыһатыгар анаммыт «Ааҕааччыбыт сэҥээриитин хайдах ылабыт?» диэн кэпсэтииттэн быһа тардан билсиэххэ.
Кэпсэтиигэ суруйааччылар, литературоведтар, кириитиктэр, учууталлар уонна саха литэрэтиирэтин, төрөөбүт тыл туһугар туруулаһан үлэлиир уопсастыбаннай түмсүүлэр кыттыбыттара. Кинилэр кинигэ бэчээттэниитигэр, ааҕыы култууратыгар билиҥҥи балаһыанньаны, аныгы ааҕааччы кэрэхсиир тиэмэлэрин ырыппыттара уонна санааларын үллэстибиттэрэ.
Сиһилии хаһыат от ыйын 31 күнүнээҕи нүөмэригэр ааҕыҥ
ААПТАР ХААРТЫСКАҔА ТҮҺЭРИИТЭ