Уҥуох арыыта, көмүрүө, үөс тардар диэни истибиккит, билэҕит дуо?
Бу туһунан Е.Ф.Кузьмина «Саха төрүт аһа-үөлэ» кинигэтигэр сиһилии суруллар.
Уҥуох арыыта
Сиэбит эттэрин уҥуоҕун мунньан, үлтү сынньан баран, уһуннук оргуталлар. Тахсыбыт арыытын холбуйан ылан, тирии таҥастааһыныгар тутталлар.
Көмүрүө
Буспут мүһэни хайа охсон силиитин туспа ылаллар. Көмүрүөтүн оборон сииллэр, уҥуоҕун тибиирэллэр.
Үөс тардар
Үөс тардары үтэһэҕэ үөлэн, уокка саллан, чоххо быраҕан, оһох иэдэһигэр сыһыаран буһаран сииллэр.
Е.Ф.Кузьмина «Саха төрүт аһа-үөлэ» кинигэтиттэн,
«Бичик», 2006 с.
Саха ыалын халандаара,
«Айар», 2025 с.