Арассыыйа үрдүнэн кулун тутар 15 күнүттэн балаҕан ыйын 30 күнүгэр диэри «Останови огонь!» диэн баһаары утары информационнай федеральнай хампаанньа ыытыллыаҕа. Бу хампаанньа киһи буруйуттан буолар баһаардары аччатыыга уонна оту өртөөһүҥҥэ хайысхаланар.
Хампаанньа сүрүн сыалынан ойуурга уонна онно чугас сиргэ-уокка баһаартан сэрэхтээх буолуу профилактиката, ойуур пуондатын харыстааһын буолар. Оту өртөөһүҥҥэ болҕомто ууруллуоҕа.
Статистика дааннайдарынан, ойуур баһаардарын 70% киһи сэрэҕэ суох буолуутуттан тахсар. Тыа хаһаайыстыбатын сирдэригэр, даача учаастактарыгар о.д.а. сирдэргэ оту өртөөн, баһаар бөҕөтө тахсар.
Хампаанньа кэмигэр нэһилиэнньэҕэ өйдөтөр үлэ күүһүрүөҕэ.
Сиһилии: https://www.sakha.gov.ru/news/39408