Ааспыт сууккаҕа Аллараа Халыма оройуонугар биир ойуур баһаарын умуруордулар. Уот хаппыт уопсай иэнэ 78 гектар.
Бу туһунан СӨ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев иһитиннэрдэ. Кини суукка саҕаланыытыгар Алдан, Үөһээ Бүлүү, Орто Халыма, Мииринэй, Кэбээйи, Өлөөн улуустарыгар 57 ойуур баһаара баара бэлиэтэнэрин эттэ. Уот хаппыт уопсай иэнэ 231 126 гектар. Баһаар үксүн этиҥтэн уонна уустук суоллаах-иистээх ыраах хонтуруолланар сирдэргэ тахсыбыт.
—Кэбээйи, Өлөөн, Орто Халыма оройуоннарыгар түөрт ойуур баһаарын умуруоруу салҕанар. Орто Халымаҕа биир ойуур баһаара бохсулунна. Ойуур баһаарын умуруорууга 260 киһи уонна 28 тиэхиньикэ үлэлиир. Бүгүн 19 салгын аала ойуур баһаардарын кэтээн көрөллөрө, ботурууллууллара былааннанар, — диэн Андрей Коноплев этэр.
Сиһилии: https://www.sakha.gov.ru/news/58325
СӨ Ил Дарханын уонна СӨ Бырабыыталыстыбатын пресс-сулууспата