Дьокуускай куоракка полиция 2-с нүөмэрдээх отделын дьуһуурунай чааһыгар кыбартыыратыттан 23 000 солкуобайын уордарбыт дьахтартан сайабылыанньа киирбит.
Суһал-ирдиир үлэ кэмигэр холуобунай ирдэбил үлэһиттэрэ уорбаланааччы ким буоларын быһаарбыттар. Ол курдук урут уорууга сууттана сылдьыбыт 40 саастаах Амур уобалаһыттан төрүттээх дьахтар эбит.
Быһаарыллыбытынан, эмсэҕэлээччи ыаллыы олорор дьахтарын ыалдьыттата ыҥырбыт итиэннэ көрсөн арыгылаабыттар. Арыгылара бүппүтүгэр дьахтар уорбаланааччыга харчы биэрэн маҕаһыыҥҥа барарыгар көрдөспүт. Онуоха дьахтар дьүөгэтин суумкатыгар харчы баарын бэлиэтии көрбүт. Итиэннэ кэлин дьиэтигэр барарыгар, уорбаланааччы суумкаттан харчыны уорбут. Харчыны бэйэтин наадатыгар туттубут.
Билигин дьахтарга РФ Холуобунай кодексын 158 ыст. 2 ч. холуобунай дьыала көбүтүллүбүт.