Бүгүн СӨ Ил Дарханын “Быһа лииньийэтигэр” дрону туһаныыны кэҥэтиини интэриэһиргээтилэр. Айсен Николаев бу боппуруоска тохтууругар олоххо-дьаһахха туһанан эрэллэрин чопчулаата.
Ол курдук, холобура, Степан Саргыдаев баһылыктаах Чурапчы улууһугар тыа хаһаайыстыбатын култууратын ылыыга туһаныахтара. “Сахалар бастаан ыаллара хайдах дьаһаналларын көрөр идэлээхтэр. Степан Анатольевич баһылыктаах улуус үчүгэй түмүгү ситистэҕинэ, бу уопуту атыттар да туһаныахтара”, — диэн эрэнэрин биллэрдэ Айсен Сергеевич.
Биир саамай үчүгэй сонунунан дрону таһаҕаһы таһыыга туһаммытара буолла. Чуолаан, Өлүөнэни туоратыыга. Уонна бу таһаҕас – дьон таһаҕаһа. 700 киилэ курдугу таспыттар.
Доруобуйа харыстабылын сайдыытыгар инникитин туттуллар кыахтааҕа үөрдэр. Ол курдук, Өктөмтөн Покровскайга био-матырыйаалы тиэрдибиттэр. Ол аата – анаалыстары. Маннык туһаныы ордук суол хаайар кэмигэр абыраллаах буолсу диэн Саха сирин олохтоохторо СӨ Ил Дарханын этиититтэн өйдөөтүлэр. Ол аата ыксалалах кэмҥэ эмп-том да тиэрдиллиэ турдаҕа.