Быйылгы «Дыгын оонньуулара» Туймаада ыһыаҕын сүрүн күрэхтииһитин кыайыылааҕынан Кэбээйи ыччата Артем Дьяконов буолла!
Муҥутуур кыайыылаах Артем Дьяконов Дьокуускайга биир хостоох кыбартыыра уонна 3 мөлүйүөн солкуобай харчынан бириэмийэни ылар буолла!
Артем Дьяконов түөрт сылы быһа дьарыктанан сыалын ситистэ! 16 ааттаах-суоллаах спортсментан бэйэтин аатын дорҕоонноохтук ааттатан, инники күөҥҥэ таҕыста. Эҕэрдэ Артем Дьяконовка төрөөбүт Кэбээйитигэр буолаары турар Олоҥхо ыһыаҕар дьоһуннаах бэлэҕи оҥорбутугар!
АЙМААТА КУППУТУН
/31-с ДЫГЫН ООННЬУУЛАРЫН кыайыылааҕар АРТЁМ ДЬЯКОНОВКА/
Үс өрүс тардыылаах,
Үтүөкэн соболоох
Кэрэ сир Кэбээйи
Эдэркээн ыччата
ҮС ХАТЫҤ аатыгар
Бэйэтин биир аатын
Бигэтик киллэрдэ!
Киэргэтэн кэбистэ!
Төрөөбүт түөлбэтин,
Ууһаабыт улууһун
Улуукан ыһыаҕар,
ОЛОҤХО ыһыаҕар
Дьоһуннаах бэлэҕи
Дьоһуннук оҥордо!
АРТЁМ диэн аатынан
Аймаата куппутун!
Эдэрэ билбэтэ
Эрчимэ билиннэ!
Чөл олох, успуорт диэн
Муннукка ытаата!
Бастыырга баҕата
Барыны баһыйда!
Иннигэр ыардары
Имири соттордо!
Сыллата туругун
Күннэтэ тупсаран
Хас биирдии хардыыта
Кыайыыга сирдээтэ!
ОЛОҤХО ыһыаҕа
Уруйа түстэннэ!
Илгэлээх бит буолла —
УОЛ бэлэх оҥордо!
ПОЛИНА ПОБЕДА
27-28.06.2026