Итинник ааттаах СӨ Бырабыыталыстыбатын өйөбүлүнэн ыытыллар ыччаттар иккис күрэхтэрэ түмүктэннэ.
Күрэҕи СӨ культураҕа уонна духуобунай сайдыыга министиэристибэтэ, өрөспүүбүлүкэтээҕи норуот айымньытын дьиэтэ, өрөспүүбүлүкэтээҕи «Оһуокай» түмсүүтэ тэрийэн ыыттылар.
Быйылгы күрэххэ 50 ыччат сайаапка биэрбититтэн, 40-тан тахса этээччи эттилэр. Улуустартан талыллан кэлбит уонна Бүлүү, Мииринэй, Дьокуускай этээччилэрэ кытыннылар. Орто Халыматтан, Хаҥаластан, Бүлүү бөлөх улуустарыттан, Тааттаттан, Мэҥэ Хаҥаластан, Амматтан кэлэн кытыннылар. Ыччаттары халлаан кытта эҕэрдэлээн ардах түһэн ыраастаан, арчылаан, онтон күннээх күн турда. Идэтийбит этээччилэргэ Василий Игнатьев иккис, Сергей Алексеев үһүс, саҥа этээччилэргэ Дьокуускайтан Эдуард Чоросов иккис, Рустам Львов Үөһээ Бүлүү үһүс миэстэни ылан, харчынан, сертификатынан бириэмийэлэннилэр.
Бастакы миэстэни ылбыт идэтийбит уонна саҥа этээччи ыам ыйын 25 күнүгэр үөрүүлээх быһыыга-майгыга өрөспүүбүлүкэ болуоссатыгар 5 чаастан наҕараадаланыахтара.
Марта Николаева