— Хомунаалынай өҥө төлөбүрүгэр субсидиянан туһаныахпын баҕарабын. Сорохторго аккаастыыллар дииллэр. Ханнык төрүөтүнэн акаастыылларый? Докумуон эккирэтэн халтай сүүрбэт туһуттан ыйытабын.
Ыйытыыга “Субсидиялар ааҕыныстыбалара” СӨ ГКУ уопсастыбаннаһы кытта сибээскэ сүрүн исписэлииһэ Любовь Андросова маннык хоруйдаата:
— дьиэҕэ уонна хомунаалынай өҥөҕө ороскуот дьиэ кэргэн дохуотугар сөп түбэһэр чааһын аһарбат буоллаҕына;
— толорута уонна чуолкайа суох (сымыйа) сибидиэнньэлэри биэрии, сокуон ирдэбилигэр сөп түбэспэт буолуу;
— сайаапка түһэрбит киһиэхэ эбэтэр дьиэ кэргэн чилиэнигэр олорор дьиэнэн туһанар быраабы бигэргэтэр докумуоннар суохтара;
— дьиэ кэргэн урукку чилиэннэрэ наймылаһааччыны уонна бас билээччини кытта урут бииргэ олорбут дьиэлэригэр (жилое помещение) салгыы олороллорун бигэргэтэр докумуоннар суохтара;
— сайаапканы биэрбит киһиэхэ олорор сиринэн бырапыыската (регистрацията) суоҕа;
— суут быһаарыытынан кэнники үс сылтан ордуга суох кэмҥэ мунньуллубут олорор дьиэ уонна хомунаалынай өҥө иһин иэстээхтэрэ;
— билигин субсидиялаахтара уонна көрүллэ сылдьар, субсидияны биэрэргэ сайабылыанньалара баара;
— бэйэлэрэ субсидияны ылыыттан баҕа өттүнэн аккаастанабыт диэн суруктара.