Дьокуускай куоракка маҕаһыын үлэһитин охсубут эр киһиэхэ холуобунай дьыала көбүтүлүннэ. Бу туһунан ИДьМ пресс-сулууспата иһитиннэрдэ.
ИДьМ Дьокуускайдааҕы салаатын полиция 2-с №-дээх отделын дьуһуурунай чааһыгар маҕаһыын үлэһититтэн сайабылыанньа киирбит. Ол курдук, кимэ биллибэт эр киһи киниэхэ эт-хаан эчэйиитин оҥорбут.
Бэрэбиэркэ кэмигэр полицейскайдар урут сууттана сылдьыбыт 28 саастаах Булуҥ улууһуттан төрүттээх эр киһини быһаарбыттар.
Быһаарыллыбытынан, уорбаланааччы маҕаһыыҥҥа итирик туруктаах киирэн киэптээн бардамнык сыһыаннаһан, уопсастыбаннай бэрээдэги кэспит. Контролер сэмэлии сатаабытын истибэтэх. Онуоха маҕаһыын үлэһитэ мобильнай төлөпүөнүгэр уста сырыттаҕына, буруйдаах кинини ситэн ылан, үппүт уонна сирэйигэр сутуругунан охсон, орто ыарахан эчэйиини оҥорбут.
Туһааннаах киһиэхэ РФ Холуобунай кодексын 112-с ыстатыйатын 1-кы чааһынан холуобунай дьыала көбүтүллүбүт.