Арассыыйа Бэрэсидьиэнэ Владимир Путин ыйааҕынан норуот маастара Борис Фёдорович Неустроев – Мандар Уус «За труды в культуре и искусстве» мэтээлинэн наҕараадаланна.
Бу туһунан Ил Дархан Айсен Николаев МАХ ханаалыгар иһитиннэрдэ.
-Саха норуотун сатабылын салҕааччы, кэлэр көлүөнэлэри уһуйааччы Борис Федорович Неустроев — Мандар Уус өр сыллаах айар-тутар үлэтин иһин дойду үрдүк наҕараадатынан бэлиэтэннэ. Бүтүн Саха Сирин аатыттан Борис Федоровичка истиҥ эҕэрдэ! Ытык киһибитигэр кытаанах доруобуйаны, этэҥҥэ буолууну, удьуор утумнааччыларыгар ситиһиилэри! — диэн суруйда.
