Муора килиимэтэ уонна уу организмҥа күүстээх дьайыылаахтар. Ол гынан баран, килиимэти эмискэ уларытыы, күн күүскэ көрүүтэ уонна муора тууһа сорох дьоҥҥо кутталлаах уонна бобуулаах да буолуон сөп.
Быраастар сүбэлииллэринэн, чуолаан онкология уонна хаан ыарыылаах, кыраадыстара үрдүк дьон уонна урукку ыарыылара көбөн сылдьааччылар айаны тохтотон эрэллэрэ ордук.
Ону таһынан сүрэх ыарыылаахтар, соторутааҕыта эпэрээссийэлэммит дьон, тирии ыарыылаахтар, эпилепсиялаахтар, уйулҕа кэккэ ыарыылаахтар сынньана барыахтарын иннинэ быраастары кытары сүбэлэһиэхтээхтэр.
Түөрт саастарын туола илик оҕолор күннээҕи эрэсиим кэһиллиитин уонна таһырдьатааҥҥы салгын эмискэ уларыйарын тулуйбаттар. Тоҕо диэтэххэ, кинилэр килиимэт уларыйыытын куһаҕаннык аһараллар, итиини сөбүлээбэттэр, улахан дьоннооҕор элбэхтик көлөһүннэнэллэр.
Онон, муораҕа эбэтэр атын курортка сынньана тиийбит буоллаххытына, доруобуйаҕытыгар куттал суох суоһаабатын туһугар тустаах быраабылалары, тус гигиенаны тутуһуҥ, испиирдээх утахтары хааччахтааҥ, күн сыралҕаныгар өр сылдьымаҥ, муораҕа сөтүөлүүргүтүгэр күннээҕи нуормаҕытын билиҥ.