Саҥа социальнай эбийиэктэр Саха сиригэр РФ Уһук Илин сайдыытын министиэристибэтин өйөбүлүнэн аһыллыахтара.
Статс-сэкирэтээр, РФ Уһук Илин сайдыытын министиэристибэтин салайааччытын солбуйааччы Антон Басанскай Судаарыстыбаннай Дуума дьокутаатын Галина Данчикованы кытта көрүстэ.
Кинилэр мунньахха министиэристибэ өйөбүлүнэн эрэгийиэҥҥэ олоххо киллэриллэр билиҥҥи уонна саҥа бырайыактары дьүүллэстилэр.
Дьокуускайга 2027 сылга сэттэ оскуола, уһуйаан тутуута түмүктэниэ. Ону таһынан саҥа гостиница комплекса баар буолуоҕа.
Тиксиигэ уонна Найбаҕа 35 млрд солк. суумалаах 39 тэрээһини олоххо киллэрэр былаан баар. Бу тырааныспар инфраструктурата, ОДьКХ эбийиэктэрин саҥардыы, тупсаран оҥоруу, социальнай эбийиэктэри тутуу.
Нерюнгрига 2027 сылга балыыһа хапытаалынай өрөмүөнэ уонна оҕо лааҕырын тутуута түмүктэниэҕэ. 2030 сылга диэри 17 оскуоланы уонна уһуйааны, ускуустуба 4 оскуолатын тутуохтара. Нерюнгритааҕы ГРЭС 2-с уочарата түмүктэниэҕэ. Үс сири-уоту кэлимник сайыннарыы салҕанар: байыаннай чаас, өрүс пуорда уонна Спортивнай түөлбэҕэ биирдиилээн кыбартааллар.
Хотугу төрүт олохтоох аҕыйах ахсааннаах норуоттары өйүүр бырагырааманан 2027-2028 сс. тырааныспардары атыылаһарга, производственнай баазалары тэрийэргэ 235,1 мөл.солк. көрүллүбүт.
2027 сылтан Саха сиригэр ЗАТО сайыннарарга дьаһаллар былааннара олоххо киириэҕэ. 2027-2028 сылларга оскуола, оҕо поликлиникатын, успуорт комплексын хапытаалынай өрөмүөнүгэр уонна тупсаран оҥорууга 185,4 мөл.солк. көрүллүбүт.