Усуйаана улууһун Депутатскай бөһүөлэгэр «Таһырдьа доруобуйаны чэбдигирдэр үҥкүүлэр» бырайыак үлэтин саҕалаата. Бу тэрээһин федеральнай «Активное долголетие» бырагыраама чэрчитинэн уонна улууска биллэриллибит Уопсастыбаннай доруобуйа сылыгар ананан ыытылынна, диэн «Заря Яны» хаһыат телеграм-ханаала иһитиннэрэр.
Бастакы киэһэ оскуола былаһаакката сэргэх, ураты көтөҕүллүүлээх муусуканан туолла. Дьарыгы Усуйаана улууһун баһылыгын солбуйааччыта Нюргуяна Босикова салайан ыытта.
Тэрийээччилэр бары баҕалаахтары дьарыкка кэлэн, үлэ кэнниттэн бириэмэлэрин үчүгэйдик атааралларыгар ыҥыраллар.