Дьокуускай уонна Аллараа Бэстээх икки ардыгар салгын сыттыктаах суудуналар бу нэдиэлэ бүтүүтэ, барыллаан алтынньы 16 күнүттэн үлэлэрин саҕалыахтара. Бу туһунан «ЛенаВодСервис» хампаанньа салайааччыта Борис Строев иһитиннэрдэ.
Хаһан сырыы саҕаланарый?
Борис Строев этэринэн, билигин тиэхиньикэни күүскэ өрөмүөннүү сылдьаллар: «Биир ый үлэлиир туһугар, биһиги суудуналарбытын сыл устата өрөмүөннүүбүт»*, – диир кини.
Алтынньы 15-16 күнүгэр диэри өрүскэ сайыҥҥы катердар сылдьыахтара.
Өрүскэ муус турда даҕаны, тута суудуналары ууга түһэриэхтэрэ. Бастаан 10-12 суудуна, онтон хас да хонугунан бүтүн биригээдэ барыта тахсыаҕа.
Сыаната төһөнүй?
Айан сыаната быйыл уруккутун курдук хаалар эрээри, к;н-дьыл туругуттан көрөн уларыйа сылдьыаҕа:
Сүрүн сыаната: 2500 солкуобай (биир киһиэхэ).
Муус халыҥаатаҕына: Өрүскэ муус туран, аэроботтарга көһөн олордуу саҕаланнаҕына, сыана 5 000 солкуобайга диэри үрдүөҕэ.
Балаһыанньа көннөҕүнэ: Муус турдаҕына уонна суол аһылыннаҕына, сыана төттөрү 2500 солкуобайга түһүөҕэ (ааспыт сыллааҕы курдук).
Хантан сылдьалларый?
Саҥа сезонҥа уопсайа 28 салгын сыттыктаах суудуна үлэлиэҕэ. Кинилэр бары 204-с микрооройуоҥҥа баар «Намыв» станциятыттан сылдьыахтара.