Сунтаар улууһун баһылыга Анатолий Григорьев улуус киинигэр 450 миэстэлээх саҥа лиссиэй тутуутун көрдө уонна үлэ хаамыытын сиһилии билистэ.
Билигин тутуу былаһааккатыгар тас үлэтэ ыытыллар. Оҕо былаһааккатын, суоллары уонна тротуардары уураллар. Ис өттүгэр үлэ эмиэ күннэтэ ыытыллар.
Билигин эбийиэккэ 30-ча киһи үлэлиир. Тутууну кэмигэр түмүктүүр туһугар, сотору кэминэн эбии үлэһит биригээдэлэр кэлиэхтэрэ.
Сунтаар улууһун дьаһалтатын пресс-сулууспата