Мэҥэ Хаҥалас улууһугар Олимпийскай эрэллэри бэлэмниир успуорт оскуолатын дириэктэрэ бүддьүөт үбүн иҥэриниигэ уонна тус наадатыгар туһаныыга буруйданан сууттанна.
Бу туһунан өрөспүүбүлүкэ борокуратуурата иһитиннэрдэ. Суукка биллибитинэн, сууттанааччы тэрилтэ салайааччытын дуоһунаһыгар анаммыта үс эрэ ый буолан баран, бэйэтигэр 189 тыһыынчаттан тахса солкуобай бириэмийэни ананар туһунан бирикээс таһаарыммыт. Манан эрэ тохтообокко, кини административнай-хаһаайыстыбаннай үлэҕэ солбуйааччытыгар эмиэ бириэмийэ суруйбут. Ол суумата 90 тыһыынча солкуобайга чугаһаабыт.
Суут успуорт оскуолатын урукку дириэктэригэр 200 тыһыынча солкуобай ыстараабы, ону тэҥэ 243 тыһыынчаттан тахса солкуобай хоромньуну толуйарга уураахтаата. Суут бириигэбэрэ сокуоннай күүһүгэр киирэ илик диэн борокуратуураҕа бэлиэтээтилэр.