Бүгүн “Саха Өрөспүүбүлүкэтин бочуоттаах настаабынньыга” диэн бочуоттаах бэлиэ “СӨ ОДьКХ” ГУП Үөһээ Бүлүүтээҕи филиалын АДС оператора Василий Николашкиҥҥа туттарылынна.
Бу үөрүүлээх түгэнинэн “СӨ ОДьКХ” ГУП персоналы кытта үлэҕэ отделын начаалынньыга Татьяна Егоровна Аммосова санаатын маннык үллэһиннэ:
— “Саха Өрөспүүбүлүкэтин бочуоттаах настаабынньыга” диэн бочуоттаах бэлиэ биһиги тэрилтэбит үлэһитигэр туттарыллыбытыттан олус үөрдүбүт. Василий Викторович 2003 сылтан 2018 сылга диэри Бүлүү улууһунааҕы филиал дириэктэринэн таһаарыылаахтык үлэлээбитэ. Ити кэмҥэ филиалга улахан саахал тахсыбатаҕа. Ону тэҥэ улуус хочуолунайдарын гаас оттукка көһөрүүгэ улахан үлэни ыыппыта. Онтон уһуннук салайар үлэҕэ миккиллибит киһини эмиэ бу филиалга дириэктэр сүбэһитинэн анаабыттара. 2025 сылтан кини ДВС машиниһа буолбута, онтон билигин диспетчерскэй сулууспаҕа оператордыыр. Онон эмиэ олус эппиэттээх үлэлээх. Кини ОДьКХ бочуоттаах үлэһитэ, физкультуура уонна успуорт туйгуна, “СӨ ОДьКХ” ГУП бэтэрээнэ. Настаабынньык быһыытынан филиал билиҥҥи дириэктэрин сүбэлээн-амалаан үүннэрэн таһаарда. Василий Николашкин эдэр ыччаты хомунаалынай хаһаайыстыба үлэтин бары ымпыгар-чымпыгар сыһыарар, үөрэтэр-такайар. Онон бу наҕарааданы ылбыта саамай сөптөөх.