Уһук Илиҥҥэ РФ Бэрэсидьиэнин боломуочуйалаах бэрэстэбиитэлэ Юрий Трутнев суһал быһыыны-майгыны үөскэтэр мэһэйдэри туоратарга сыһыаннаах «Об устранении ведомственных ограничений при ликвидации последствий чрезвычайных ситуаций» диэн мунньаҕы ыытта.
«Уһук Илин дойду үрдүнэн, хомойуох иһин, суһал быһыы-майгы тахсыытыгар инники күөҥҥэ сылдьар. Ол курдук баһаардар, халаан уута биһигини туора ааспаттар. ЫБММ уонна Уһук Илини сайыннарыы министиэристибэтин кытта ити мэһэйдэри бохсорго үлэлэһэбит. Үлэ кэмигэр уустуктары көрсөбүт. Холобур, бу сылга Камчаткаҕа сиэри таһынан элбэх хаар түспүтэ. Хаары сатаан тиэйбэт үлүгэр буола сылдьыбыта. Нуорма быһыытынан, хаары анал сиргэ тиэйиллэр. Биэстии миэтэрэ үрдүктээх хаар куораты бүтүннүү толорбута. Саха сиригэр буолбут ойуур баһаардарын эмиэ умнубаппын. Уот күүһүттэн оннооҕор нэһилиэк уокка былдьанан турардаах. Маннык уустуктары эрдэттэн сэрэтэр туһуттан мэһэйдэри туоратыахтаахпыт», — диэтэ Юрий Трутнев.