Сбербаанынан туһанар Арассыыйа, ол иһигэр Саха сирин олохтоохторо бүгүн каартанан уонна QR-кодунан маҕаһыынтан кыайан атыыласпатыбыт диэн бэлиэтииллэр.
ТАСС суруйарынан, Москваҕа Сбербаан банкомата үлэлээбэт, пин-коду киллэрбит кэннэ “тэрил үлэлээбэт” диэн сурук тахсарын иһитиннэрэллэр. Дьокуускайга эмиэ маҕаһыынтан кыайан атыылаһыллыбат. “Дьокуускайга Сбербаан сыһыарыыта тохтуу-тохтуу үлэлиир быһыылаах. Сүүрбэччэ мүнүүтэ анараа өттүгэр оҕом төлөпүөнүгэр харчы ыыппытым барбыта. Билигин Сбербааммыттан атын каартабар харчы көһөрөн көрдүм да, “сервис временно недоступен” диир”, — диэн билэр дьахтарым эттэ. Сорох атын бааннар үлэлэрэ эмиэ атахтаммыт диэн дьон этэр. Сотору оҥоһуллар ини диэн эрэнэбит.
