Күүтүүлээх бырааһынньыкка – Аан дойду дьахталларын күнүгэр түөкүттэр саҥа албаһы толкуйдаан таһаардылар. Кинилэр дьону «телеграм» мессенджер нөҥүө биллиилээх артыыстар кэнсиэрдэригэр «босхо билиэт» түҥэтэбит диэн албынныыллар.
Албын схема хайдах үлэлиирий?
Кибер-буруй оҥорооччулар бырааһынньык айдаанын туһаналлар. Кинилэр дьоҥҥо, ордук кэрэ аҥардарга, маннык ис хоһоонноох суруктары ыыталлар: «Эһиги биллиилээх ырыаһыт кэнсиэригэр босхо билиэт сүүйдүгүт» эбэтэр «Бырааһынньыктааҕы оонньууга кыттыҥ». Маннык суруктар тус бэйэҕэр, араас бөлөхтөргө уонна ханаалларга тарҕаналлар.
Албын сайт уонна куттал
Сурукка сыһыарыллыбыт сигэ нөҥүө киирдэххэ, киһи сымыйа сайка түбэһэр. Онно «билиэти броньнуурга» эбэтэр «бэлэҕи ыларга» диэн ааттаан тус дааннайдары киллэрэргэ көрдөһөллөр:
1. Төлөпүөн нүөмэрин, 2. Аат-суол, 3. Баан каартатын дааннайдарын. Сороҕор «сервисный сбор» (өҥө иһин төлөбүр) диэн ааттаан кыра суумалаах харчыны төлөтө сатыахтарын сөп.
Күндү ааҕааччылар, бырааһынньык кэмигэр сэрэхтээх буолуҥ!
- Билбэт дьоҥҥутуттан кэлбит сигэлэргэ кииримэҥ.
- Кэнсиэр билиэттэрин официальнай кассалартан эрэ атыылаһыҥ.
Бу сонуну чугас дьоҥҥутугар тарҕатан сэрэтиҥ!