Өрөспүүбүлүкэтээҕи култуура үлэһиттэрин пуорумун иитинэн түмэл (музей( исписэлиистэригэр аналлаах сэминээр буолла.
Сэминээргэ 34 музейтан 60-тан тахса киһи кытынна. Манна пуонда үлэтин тэрийии, музей үлэтигэр аныгы ньымалары киллэрии, о.д.а. боппуруостары кэпсэттилэр.
Сэминээри тэрийээччилэр уонна кыттааччылар бэлиэтииллэринэн, Саха сиригэр — Култуура, Арассыыйаҕа — Норуоттар сомоҕолоһууларын сылларыгар анаммыт тэрээһиҥҥэ киэҥ кэпсэтии ыытыллыбыт. Маны сэргэ бу үлэ үөрүйэҕин атастаһар, санааны үллэстэр туһалаах былаһаакканан буолбут.
Сэминээр иитинэн лиэксийэлэр ыытылыннылар, санааны үллэстии, ыйытыыларга хоруйдар улуустартан түмсүбүт сэминээр кыттыылаахтарын болҕомтолорун тартылар.
Сиһилии: https://www.sakha.gov.ru/news/40705
СӨ Ил Дарханын уонна Бырабыыталыстыбатын пресс-сулууспата