Үөһээ Бүлүү улууһун дэлэгээссийэтэ Москваҕа тиийэн үлэтин-хамнаһын салҕыыр. Ол курдук, уолаттар бүгүн Внуково аэропуордугар «Якутия» авиахампаанньа көмөтүнэн кэлбит таһаҕаһы көрүстүлэр.
Бу таһаҕаска байыаннай дьайыыга сылдьар биир дойдулаахтарыгар тиэрдиллиэхтээх сахалыы ас-үөл — убаһа этэ, собо уонна да атын иҥэмтэлээх астар бааллар. Уопсайа 900 киилэ кэриҥэ ас-үөл хомуллан кэлбитин дэлэгээссийэ чилиэннэрэ массыынаҕа тиэйэн, салгыы байыаннай дьайыы буола турар сирин диэки ыыттылар. Маны таһынан, уолаттар бүгүн бэйэлэрэ эмиэ Ростов-на-Дону куорат диэки айаннаатылар.
Биир дойдулаахтарбытыгар этэҥҥэ айаны уонна сорудахтарын ситиһиилээхтик толороллоругар баҕарабыт!