Саха сиринээҕи тырааныспар борокуратуурата Амма өрүскэ тахсыбыт быһылаанынан бэрэбиэркэ ыытар.
Барыллааһын чахчыларынан, 2026 сыл ыам ыйын 8 күнүгэр киэһэ Алдан оройуонун Үөһээ Амма бөһүөлэгиттэн 45 км сиргэ, дьоҕус суудунанан икки олохтоох киһи Амма өрүһүнэн устан иһэн, тимирбит маска сааллыбыттар. Ол түмүгэр, устар ааллара түҥнэстэн, тимирбит. Пассажир бэйэтэ тахсан, сибээс баар сиригэр тиийбит. Оттон суудунаны ыытан испит киһи ханна баара биллибэт, билигин көрдөөһүн үлэтэ ыытыллар.