Сунтаар улууһун биир биллэр этээччитэ Иннокентий Никитич Васильев бар дьонугар киэҥ түһүлгэлээх, баай тыллаах оһуокайдьыт быһыытынан биллэр.
Элбэх ыһыах күрэхтэригэр кыттан, тарбахха баттанар этээччи быһыытынан сыаналанар. Кини уола Игорь Иннокентьевич Васильев-Суолдьут Дьокуускай куоракка көһөн кэлиэҕиттэн өрөбүл аайы ыытыллар оһуокайдарбытыгар мэлдьи сылдьар. Оһуокай быыһыгар мэлдьи вальстыырын сөбүлүүр. Ааспыт сылга бэйэтин баҕатынан Оһуокай искибиэригэр ыскамыайкалары оҥорбута. Бүгүн сайыҥҥы кэмҥэ оһуокайдыыр искибиэрбитигэр остуолу кытта холбуу оҥоһуллубут үс ыскамыайканы аҕалан туруорда. Ыарахан уйуктаах, онон ааһан иһээччилэр соһуохтара суоҕа,чиҥ гына оҥордум диэн үллэһиннэ.
Марта Николаева